La Botellina…

ARTICULO GASTROLITERARIO EN LENGUA ASTURIANA PUBLICADO EN LA REVISTA “LA SIDRA”. Año 2008.

Habia tiempu que nun me tocaba compartir una tardi conmigo mesmu. A vegaes, esa llerza a la soledá faemos guetar desesperadamente compaña. Nun entamu, aquella tardi nun dubie en garrar el movil y poneme a facer llamaes desesperadamente a la queta de collaciu o collacia con quien compartir un culete… Cuando fine cola llista de los sidreros entamé a tirar de la de los vinoteros. Nin un nin otru bandu paecian tar dimpuestos una murnia tardi de martes a compartir la mio aparente soledá. Illusionáu col aquel de facer “daque estremáu” aquel día, decidí averame pasin ente pasu a la Ruta los Vinos d`Uviéu. El L1 averome fasta García Conde y dende elli selemente, empobineme dirección a Manuel Pedregal. Pol camín disfrute, cola mio compaña, de un paséu urbanu del que facia tiempu que non disfrutaba. La ciudá siempres m`aceleró… Toa esa xente acelerada fae que tú mesmu aceleres el pasu, anque vaigas a dengún sitiu. Aquella tardi procuré que fora distintu. Fui caleyando pocu a pocu, departiendo conmigu mesmu nel pensamientu, alendando selemente, relaxando, aprofitando aquel momentu como podría facer con munchos otros que, indesplicablemente, dexo pasar.

Murniamente, aquel momentu de convivium conmigu mesmu truncose de sópitu al aportar a Manuel Pedregal. La visión de la sede del ranciu conservadurismo español fexome dar un testerazu escontra la rialidá y despertame sobresaltáu trasformando en veléa lo que fasta aquel momentu fuera paseu d`ensuañu. Pa enriba el chigrín del collaciu esciclista al que tanto presta dir taba presllau, polo que el plan “vinoteru” quedó decididamente albortáu. Media vuelta y pa la Cai La Lila, ensin priesa, pero a la gueta d`un bon culete de Juan Carlos.

Elli esfrute, conmigo mesmu otra vuelta, d`una botellina d`Orizón cola temperatura curiada y un escanciáu de campeonatu. Na televisión los italianos ganaben a los alemanes nel so propiu mundial y el periodicu llamentabase de la traxedia del metru de Valencia…N`Asturies, comu siempres, nun pasaba nada.

Cuandu más enfrascau taba conmigo mesmu sentí a un veceru en conversación axena decir aquello de que la sidra ye una bebora social, pa compartir con amigos, pero enxamás pa beber solu… Sorrei y allegreme d`habeme atopáu aquel día pa tomar una botellina.

Envía un Comentario

Tu dirección de correo electrónico no será publicada. Los campos necesarios están marcados *

Puedes usar las siguientes etiquetas y atributos HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>