Amigu Redondo… Amigu Chana… Amigu Juan

Amigu Redondo… Amigu Chana… Amigu Juan

Tres formes de referise a la persona, a la mesma persona. Tres graos de aproximación, prosimida y confianza.   Redondo, el técnicu comprometíu cola recuperación de los vinos y viñedos de Cangas en primera persona. Seríu, rectu, formáu a sigo mesmu con nun pocu empeñu, esfuerzu y dedicación, casi que con toa. A Redondo conocíanlu por Redondo dos perfiles de persones bien estremaos. Por un lláu los que lu almiraben pol su trabayu al frente de la Bodega Monasterio de Corias, tantu pola so constancia como pola esponencial meyora y calidá de los vinos qu`ellaboraba añu tras añu. Esos mesmos eran los que dende el respetu y l`almiración reconocien la llabor de Redondo como secretariu primero y presidente del conseyu regulador de la Indicación Xeográfica primero y Denominación d`Orixen depúes de los Vinos de Cangas.   Pero tamién lu conocien por Redondo los que nunca supieron nin quixeron entender la política de” pasu a pasu y con bona lletra” de Juan Manuel Redondo Losada. Los que dende’l minutu uno del procesu de recuperación de los vinos de Cangas quixeron garrar atayos; Allá ellos colos sos proyeutos, más productivistes que productivos, más mercantilistes que mercantiles, siempres que nun faigan por confundir, nin por empañar el nome, el procesu, la calidá nin la honestidá de los vinos con Denominación d`Orixen  Vino de Cangas.  Redondo sintió una frase a un amigu y espertu sumiller asturianu de ñacencia y de paciencia y féxola suya pa siempres: “La contraetiqueta de la Denominación d`Orixen Vino de Cangas garantiza que lo que tas tomando ye un vino de Cangas… Tolo demás, ye un actu de fé…...
30 d`Avientu de 2014…

30 d`Avientu de 2014…

Siempre cuando toquen estes feches prestame falavos a los que sé que taís ehí. Podrán cambiar munches coses col pasu los años pero quisiera qu`esta enxamas camudara. El mió mensaxe de testu ya ye un clásicu dende los tiempos en que pagáramos unos céntimos por mensaxe enviáu… Qué tiempos aquellos!! Mañana  fina esti añu. Sabéis que pa min nun foi un añu más. Ye de bien ñacios ser agradecios y tengo que decilo:  Esti foi un añu enforma prestosu, nun porque lo diga`l Facebook, sinon porque ye obligáu pa min reconocelu como talu. Sabemos que les coses, “ehí afuera” tan cómo tan… Y qu` eso que pasa fuera repercute enforma dientro de les nueses cases, de les nueses families, de les nueses vides. Nunca llovió que nun abocanara, pero mientres qu`apara y non vamos facer por canalizar les agües d`esti persistente bastiazu pa qu`arramplen con tou aquello y toos aquellos que mos impiden ser un poquiñin más felices. Ya sabéis lo que vos digo siempres D`un problema…Una oportunidá.  Nun hai otra.  Solu dende`l positivismu se contruyen los suaños. Toi comenciu que 2015 va traemos a toes/os muches sospreses. Y serán bones. Un abrazu, un guiñu, un besu…...