De nabos y otres ayalgues gastronómiques d`esta tierra


ARTICULO EN LENGUA ASTURIANA PUBLICADO EN EL LIBRO DEL IV CAPITULO DE LA COFRADÍA DE AMIGOS DE LOS NABOS. Enero de 2007

Comu ribeseyanu de nacencia y parraguesu d`adopción, teo de reconocer que na mio comarca nun se conoz, tradicionalmente, el consumu humanu del nabu. Bien ye ciertu que gracies tantu a la mio condición de profesional de la cocina, comu a la mio pasión por tolo nueso que s`afaye más o menos escaecíu, tuve la suerte nun solu de poder contradecir al altu la lleva, dende hai ya una riestra d`años, a aquellos qu`aseveren quel nabu“ nun se come” sinon de poder afitar que xunce nos potes tan bien o meyor que la “yankee” pataca. Allimentu, esti caberu, que nun tiempu allegose a esta tierra asturiana convirtiéndose en remendaora de fames y sustituta de nabos y castañes como ingrediente cimeru de los nuesos potes.

Porque de lo que nun hai dala debia ye de qu`Asturies ye tierra de potes. En cada conceyu, en cada aldega, en cada valle, en cada caseriu ellaborense milenta y un potes estremaos que a un tiempo son toos unu mesmu. Y el pote de nabos nun ye simplesmente “un” de esos potes… Ye “UN” pote con mayuscules por munches custiones… Pola so autenticidá y tradición, pola so condición d`allimentu base d`un pueblu nuna dómina determinada, y pola dignidá cola que aportó al sieglu XXI a pesar de tener qu`aguantar el llastre, comu tantos otros allimentos y productos asturianos, de por ser sustentu en tiempos de miseria nun tener valir gastronómicu dalu.

En esto del aporte dignu del nabu al sieglu XXI nun hai dala dubia de que tien munchu que ver la xera desendolcada pola Cofradía d`Amigos de los Nabos de Morcín, asina comu la esistencia de certámenes comu el de Los Nabos de Prubaza. Inimaxinable podía paecer que dalgún día el pote de nabos morciniegu pudiera afayase enllatáu nuna tienda de productos gourmet…Y eso, por poner solu un exemplu, ya ye una rialidá.

Comu vos dicía, sirvior, de nabos entiende pocu, pero diez años de trabayu nel conceyu de Parres valieronme pa deprender vien d`ello alrodiu del otru productu inxustamente escaecíu na nuesa gastronomía. De la castaña.

Si miramos al nuesu alrodiu, y sin dir mui lloñe, con tan solu averamos al Bierzu podremos descubrir comu al rodiu de la castaña ta llevantandose toa una industria agroallimentaria bien interesante. Que decir de catalanes o de franceses que lleguen a pagar autentiques barbaridaes por una pieza d`esquisitu Marron Glaçe. Por embargu, equi n`Asturies les castañes siguen podreciendo pelos matos y llendamonos a facer con elles cuatro amagüestos y dales nes nueses sidreríes comu “pinchu de barra”…¡¡Que tristeza!!

¿Ye posible la dignificación del nabu como ingrediente gastronómicu n`Asturies? Yo creo que si. Como lo ye la dignificación de la castaña, del emberzáu, de les fariñes, de la escanda o del vinu de la Tierra de Cangas. Lo que tenemos que facer ye creer en nos mesmos y nel nuesu potencial como rialidá gastronómica, cultural y poro como rialidá economica.

Envía un Comentario

Tu dirección de correo electrónico no será publicada. Los campos necesarios están marcados *

Puedes usar las siguientes etiquetas y atributos HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>