Bernabé y Pablo Casanueva

Bernabé

Cartelu de “Bernabé”

El prósimu 29 de Xunu Pablo Casanueva presentá Bernabé, un llargometraxe sobre la vida d’esti “fugáu”, de tiempos de la dictadura de Franco, que llegó a convertise y entá güei sigue siendo un mitu na fastera oriental asturiana.

Hasta ehí tou podría parecer normal, pero nun lo ye. Nun lo ye por tres motivos cimeros. El primeru ye que, sospresivamente, esti ye’l primer llargometraxe fechu dafechu en llingua asturiana, esa llingua que dalgunos dicen que nun esiste. El segundu ye que “Bernabé” ta fechu con presupuestu “0”. Nun hai sovención dala, nin capital priváu que sustente una producción qu’a fecha de güei lleva involucráu nel so alrodiu a cerca del cientu de persones pente actores, equipu de rodaxe y collaboraores. La tercera, y más prestosa entá, ye que “Bernabé” ta idegada, guionizada y dirixía por Pablo Casanueva, un ribeseyanu de solu diecisiete años d`edá que`l pasáu añu ya mos sorprendiera col so curtiometraxe “Tempus”, que llegaría a eshibise nel Festival Internacional de Cine de Xixón.

El pasáu 7 de Xunu aportaba al mio móvil el mensaxe de testu nel que Pablo Casanueva convidábame a falar unes pallabres el día de la presentación de la so película. Abrumáu más qu´halagáu me siento delantre d`esi honor. Nun soi cinéfilu que se precie y tampoco puedo dicir que conoza a Pablín dende que ye un neñu (de xuru que lu conocía pero despintóseme). Pero cuando un amigu te llama pa que y deas cobertura delantre d`un “trepe” d`estes carauterístiques, un enchípase como un pavu rial, y siéntese perbien.

Gracies Pablín, gracies por contar conmigo el prósimu día 29 de Xunu nel estrenu universal de Bernabé, y gracies por demostramos que escontra lo que munchos deseyaríen, con rapazos como tú, Asturies entá tien futuru…Asturies entá alenda.

Trailer de “Bernabé”

 

Envía un Comentario

Tu dirección de correo electrónico no será publicada. Los campos necesarios están marcados *

Puedes usar las siguientes etiquetas y atributos HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>