El pasáu mes d`Avientu, cellebrábase en Bilbo la tercer edición de “AlGusto”, la feria del saber y del sabor abellugada nel BEC (Bilbao Exhibition Center) de Barakaldo y sofitada pol movimientu Slow Food, del qu`un servior tien l`arguyu de ser miembru activu dende hai dellos años.
La delegación asturiana de Slow Food, acudió a esti tercer alcuentru estatal con un stand propiu, como ya fixera hai dos años; Stand que recoyó la presencia de los, fasta agora, cinco productos asturianos enxertaos nel Arca del Gustu de Slow Food, productos de los que ya falaramos otres vegaes pero de los que vuelvo a facer alcordanza. Llease: Corderu Xaldu Asturianu, Faba Fresca, Sidre d`Escoyeta, Gochu Asturcelta y Escanda Asturiana. Pa`l que nun lo sepia el “Arca del Gustu” vien a ser dalgo asina como un catalogu de productos, races animales y variedaes hortofruticoles que precisen ser afalaes p`algamar el so caltenimientu y espoxigue. Productos, races y variedaes que tienen un altu valir gastronómico y/o organolépticu y que, les más de les vegaes, fores arrequexaes por otros productos, races y/o variedaes foriates y munchu más productives.
Nesta ocasión y dempués de cellebráu l`alcuentru de la Comisión Estatal del Arca del Gustu de Slow Food tamos a espuertes de que s`incluya nesti catálogu un nuevu productu asturianu, pero enta ye ceu pa desvelar de que producto se trata. Añu tres añu ye más facile dir enxertando más productos de nueso nel “Arca del Gustu”, y ello ye gracies al abegosu trabayu de productores de toa triba que sumaos al esfuerzu de cada vegada más hosteleros y cocineros comprometios cola defensa de la gastronomía y la biodiversidá llocal garanticen un futuru prestosu pa la nuesa bayurosa producción asturiana.
Prestame poder falar un añu tres d`otru de l`espoxigue del movimientu Slow Food N`Asturies. Con anguañu más de cincuenta socios y cola necesidá de qu`esti númberu xorreza a un tiempu que xorrez el compromisu de los que ya formamos parte del sele movimientu del cascoxu.
Nel mesmu marcu de la Feria Algusto, y pesllando la mesma cellebrábase en Bilbao la entrega de les plaques Km0 que certifiquen a los restoranes comprometíos con esti movimiento. Nesta ocasión l`espoxigue del movimientu n`Asturies certificase col aumentu esponencial de cocineros y cocineres reconocios por Slow Food, pasándose de tres a siete. Compromisu cola producción llocal y col consumu de productos del Arca del Gustu son los requisitos cimeros pa formar parte d`esta rede de restoranes.
Con too y con ello falta munchu por facer. Son necesarios más socios y socies, más productores, más cocineros y guisanderes, más xente con ganes d`aportar, con ganes de sumar y non de restar. Solu la pluralidá arriquez los movimientos sociales, solu l`alderique y los puntos de mira estremaos son quien a dar importancia a los revoluciones… anque seyan revoluciones gastronómiques.
La delegación asturiana de Slow Food, acudió a esti tercer alcuentru estatal con un stand propiu, como ya fixera hai dos años; Stand que recoyó la presencia de los, fasta agora, cinco productos asturianos enxertaos nel Arca del Gustu de Slow Food, productos de los que ya falaramos otres vegaes pero de los que vuelvo a facer alcordanza. Llease: Corderu Xaldu Asturianu, Faba Fresca, Sidre d`Escoyeta, Gochu Asturcelta y Escanda Asturiana. Pa`l que nun lo sepia el “Arca del Gustu” vien a ser dalgo asina como un catalogu de productos, races animales y variedaes hortofruticoles que precisen ser afalaes p`algamar el so caltenimientu y espoxigue. Productos, races y variedaes que tienen un altu valir gastronómico y/o organolépticu y que, les más de les vegaes, fores arrequexaes por otros productos, races y/o variedaes foriates y munchu más productives.
Nesta ocasión y dempués de cellebráu l`alcuentru de la Comisión Estatal del Arca del Gustu de Slow Food tamos a espuertes de que s`incluya nesti catálogu un nuevu productu asturianu, pero enta ye ceu pa desvelar de que producto se trata. Añu tres añu ye más facile dir enxertando más productos de nueso nel “Arca del Gustu”, y ello ye gracies al abegosu trabayu de productores de toa triba que sumaos al esfuerzu de cada vegada más hosteleros y cocineros comprometios cola defensa de la gastronomía y la biodiversidá llocal garanticen un futuru prestosu pa la nuesa bayurosa producción asturiana.
Prestame poder falar un añu tres d`otru de l`espoxigue del movimientu Slow Food N`Asturies. Con anguañu más de cincuenta socios y cola necesidá de qu`esti númberu xorreza a un tiempu que xorrez el compromisu de los que ya formamos parte del sele movimientu del cascoxu.
Nel mesmu marcu de la Feria Algusto, y pesllando la mesma cellebrábase en Bilbao la entrega de les plaques Km0 que certifiquen a los restoranes comprometíos con esti movimiento. Nesta ocasión l`espoxigue del movimientu n`Asturies certificase col aumentu esponencial de cocineros y cocineres reconocios por Slow Food, pasándose de tres a siete. Compromisu cola producción llocal y col consumu de productos del Arca del Gustu son los requisitos cimeros pa formar parte d`esta rede de restoranes.
Con too y con ello falta munchu por facer. Son necesarios más socios y socies, más productores, más cocineros y guisanderes, más xente con ganes d`aportar, con ganes de sumar y non de restar. Solu la pluralidá arriquez los movimientos sociales, solu l`alderique y los puntos de mira estremaos son quien a dar importancia a los revoluciones… anque seyan revoluciones gastronómiques.
Últimos comentarios