Anima de sidra en forma d`auguardiente

Articulo Gastronómico en Lengua Asturiana publicado en el Semanario «Les Noticies». Enero 2011. Hailos que sentimos un placer especial cuando descubrimos que daquién, col so esfuerzu y saber facer, pon nel mercáu una nueva ayalga gastronómica d`orixe asturianu y mui alta calidá. Bien ye ciertu qu`Asturies produz con una calidá mui alta munchu de los suyu, pero nun lo ye menos que`l fechu de que nos años caberos el productor agroalimentariu asturianu asemeya tar más metíu al riegu de la comercialización estandarizada y convencional, que dimpuestu a asumir riesgos nel desendolque y comercialización de nuevos (que non por “nuevos” faltos de tradición) productos gastronómicos y de altu valor añadíu, por diferenciación y por calidá. Ye por ello que cuando un productu determináu “da`l campanazu”, pola so estremada calidá, unu nun puede más que sintir un arguyu especial como profesional de la gastronomía y como asturianu. La Casería de S. Xuan del Obispu, asitiada na collación sierense de Tiñana, vien de sacar al mercáu dende finales de 2010, una edición llimitada de “Salvador del Obispo” de 3000 botelles de 50 cl.; Un auguardiente de sidra d`holandes aseladamente destilaes en tradicionales alquitares y aneyáu en carbayu americanu que lleva durmiendo nes bodegues del llagar de la collación tiñosa nueve años. La Casería de S.Xuan del Obispu destila desclusivamente nes sos alquitares sidra ellaboráu al cientu por cientu con mazanes asturianes y nun amiesta nos sos destilaos proporción dala de magaya nin dengún componente químicu. Nada que nun seya más qu`autentica sidra asturiana por orixe de la matería prima y métodos d`elaboración. D`un anaranxáu rellumante, arumes llimpios a mazana y regustos balsámicos,...

Ta siempre miruellu…

N`ALCORDANZA DE BLANCA Articulo en lengua asturiana publicado en el periodico «Les Noticies». Febrero de 2011 Güei toca cocinar un articulín perespecial nesta colaboración periódica pal selmanariu “Les Noticies”. Güei poco puedo falar de bondaes gastronómiques, que falaré, pero muncho de bondaes de toa triba…De toles bondaes que siempres represento la mió Blanquina, la mio compañera, la mio muyer demientres munchos años, la mió hermana nos meses caberos. Nel día qu`escribo estes llinies faense doce años de que casáramos Blanca y yo nuna cellebración asturiana y cristiana como poques tengo conocies. El Monesteriu de Villanueva de Cangues acoyó una ceremonia oficiada por “Monchu`l Cura”, misa asturiana y n`asturianu que nun dexó indiferente a naide, a nos tampocu. Dempués una espichona en Cangues remataría aquella folixa tan partícular na que tarien cellebrando con nos munchos de los que el pasáu sábadu mos acompangaben pa dispídila nel cementerio de Pando. Blanca foi por siempres la mio asesora gastronómica, la mio asesora lliteraria, la mio asesora personal. Xuntos teorizamos al rodiu del futuru de la Cocina Asturiana. Al rodiu de la sidra surdiera la nuesu amistá y el nuesu amor nes llargues y llargues tertulies nel “Carrocéu” de Ribeseya. Asina foi como xuntos deprendimos les artes de la cortexu, la seducción y la pasión… Cuando la so inxusta enfermedá la separtara dafechu de les clases de Llingua Asturiana na Ensiñanza Pública decidió estudiar un Master que la convertiría n`Esperta en Pomoloxía y Sidra y eso permitiomos siguir afondando nel nuesu ciñu común pola bebida nacional asturiana. “Como nun puedo bébela estudiola” dicía Blanca, enxamás con resignación, sinon con una sorrisa compliz na...

Terra Madre 2010 y el sele caleyar del cascoxu asturianu

ARTICULO GASTROLITERARIO EN LENGUA ASTURIANA PUBLICADO EN EL SEMANARIO «LES NOTICIES» Noviembre 2010 El pasáu 21 d`Ochobre desplazábase fasta la ciudá piamontesa de Torino un garrapiellu compuestu por quince asturianos y asturianes nel que s`aconceyaben productores agroganaeros, cocineros, tresformaores, periodistes y técnicos especialistes en dinamización del mediu rural asturianu. Toos/es ellos/es agrúpense nel Comvivium Asturies de Slowfood; Un movimientu gastronómicu de calter internacional, que ñaciera nel añu 1996 nel mesmu Torino de la man del gastrónomu Carlo Petrini, y que defende la allimentación de calidá, frente a la globalización allimentaria. Los oxetivos d`esti movimientu resúmense globalmente cola puesta en práctica de tres pautes: producir y comer xusto, producir y comer llimpio, producir y comer sano.Los motivos de la visita de la delegación asturiana a Torino yeren, d`una banda el de participar activamente nel aconceyamientu internacional de productores y cocineros Terra Madre. Un alcuentru que cuntaría cola participación de más de 7000 delegaos y observaores de too`l mundu pertenecientes a les estremaes Comunidaes del Allimentu de Slowfood que s`afayen espardies polo llargo y ancho de la xeografía planetaria.Finar cola desigualdá allimentaria esistente pente Norte y Sur. Defender la biodiversidá. Lluchar escontra la impunidá cola qu`operen les grandes multinacionales nel ámbetu de l`agroalimentación n`aspeutos talos comu los de l`espardimientu de los tresxenicos o`l patentáu de granes. Fomentar el consumu de productos llocales… Son dalgunos de los oxetivos cimeros d`esta Rede Internacional de Productores y Cocineros.Paralelamente a esti alcuentru cellebrose tamién, nel Lingotto de Torino, una nuea edición del Salone del Gusto… Probatiblemente el meyor y mayor certame europeu de productos agroallimentarios de calidá.Describir el potencial de tolo aconceyao nos infinables cuatro...

La Manzana Diabólica

ARTÍCULO DE OPINIÓN GASTRONÓMICA EN LENGUA ASTURIANA PUBLICADO POR LA REVISTA «LA SIDRA». Año 2008 Hai unes selmanes, departiendo colos collacios de la Revista «La Sidra», comprometime a espresar la mio más sincera opinión al rodiu del nueu escanciaor elleutricu comercializáu pola firma asturiana «Eolo-Innova». Tengo que reconocer que la mió primera impresión alrodiu del «aparatín» en custión foi de lo más negativa. Ensin saber de la so esistencia, y munchu menos del so ablucante ésitu na Feria de Muestres de Xixón, nun solu día atopeme la manzanina escanciaora en delles sidreries de Cualloto y Xixón. Atopela escanciando en barres de sidreries, dando de beber a escanciaores, echando culetes en meses de sidreríes y echando culetes en restoranes. Diome la sensación de que tabemos tanto invadios por unos seres cabezones de plásticu con gueyos pequeñinos y ñariz collorada que producien un ruiu infernal cada vegada que echaben, a dos chorros, la sidra nel vasu, y claru, evidentemente entrome una xustificada llerza. Queriendo saber la opinión que sobre esta «manzana diabolica» tenien al respeutu llagareros y chigreros de reconocíu prestixu atópome con opiniones de toa triba; Dende`l que camienta que`l productu en xeneral «ta bien» comu recursu p`abrir mercáu sidreru bien seya fuera d`Asturies, bien seya en restoranes ensin serviciu d`escanciáu, o bien pal consumu de sidra en casa; a los que atalanten que la «manzanina» van ser la solución a la falta de personal nel seutor sidreru… !Maminina mía! Coincido bastante colos que creen que «La manzana diabólica» pue tar bien pa tenela en casa, o pa echar sidra en Madrid, Barcelona o New York, o inclusu, con un...

Lo nuevo de Asturies

ARTICULO GASTRONÓMICO EN LENGUA CASTELLANA PUBLICADO EN LA REVISTA SOBREMESA. Diciembre 2008 En el norte de la península ibérica, silueteada por mar y cordal Cantábrico, se descubre una nueva Asturies, una Asturies que sin renunciar a su pasado cree enormemente en su futuro y lo demuestra día a día con propuestas como las que a continuación les presentamos.A la hora de hacer referencia a la entrañable tierra asturiana difícilmente podremos evitar pensar en sus viandas y manjares, algún día erigidos por méritos propios, como auténticos embajadores asturianos en el exterior e inigualables anfitriones de todo aquel que visite la siempre verde comunidad norteña. Hablar de la Asturies gastronómica desde un punto de vista estrictamente tipista y topista siempre ha significado hacer referencia a productos y elaboraciones como el artesanal, azul y exquisito queso de Cabrales, la contundente fabada o la tradicional sidra natural y su inimitable ritual del escanciado. Pero sidra, queso de Cabrales o fabada son únicamente la punta del iceberg de la riqueza productiva que atesora la, en otro tiempo, infranqueable fortaleza de las tribus ástures. Ahora, ya entrados en el siglo veintiuno, podemos aseverar que Asturies está aprendiendo a poner en valor todos y cada uno de los productos artesanos que constantemente surgen, los más innovadores, y resurgen, los rescatados de la historia de un pueblo que debe todo lo bueno que tiene a su particular clima y escarpada geografía. Lo nuevo de Asturies Hemos comenzado este artículo hablando de sidra, queso y fabada. Y las innovaciones en torno a estos tres productos también son significativas. El nacimiento, en el año 2002 de la Denominación de...

Permítanme un culetín…

ARTÍCULO DE OPINIÓN GASTRONÓMICA EN LENGUA ASTURIANA PUBLICADO EN EL SEMANARIO «LES NOTICIES». Diciembre 2010 ..Pa dir entrando na conversación sidrera d`anguañu, y permitanme ufiertar el mio más sinceru puntu de vista alrodiu de la “problemática” desendolcada nel selmanes caberes sobro la potencialidá sidrera asturiana, entecomino lo de “problemática” porque nun se fasta que puntu la mesma ye una rialidá. El casu ye que d`hai unes selmanes a estos díes paez qu`a los asturianos/es tocamos arrincamos les vestidures, porque el principal diariu escritu n`Asturies “descubrió” que pa dalgunos medios como The Guardian o The New York Times, el referente sidreru peninsular nun yera Asturies sinon Euskal Herria. Lo más sospresivu de too ye que tanto los artículos referíos a la sidra vasco de The Guardian, como los de The New York Times nun yeren recientes, sinon que ya tenien dellos meses. Munchos de los que trabayamos na órbita del conocimientu gastronómicu ya sabiamos d`esos artículos. Inclusu escritores y articulistes de la talla de Xuan Xosé Sanches Vicente ya espublizaran hai munchos meses, nos sos blogues, alrodiu de lo pescanciáu por The Guardian como les “10 meyores sidreríes d`España” (toes elles llagares vascos). De magar ehi ríos y ríos de tinta, real y virtual, entamaron a dedicase a esta temática. Dalgo sacáramos en claru, en tantu en cuantu Jose A. Ordoñez, un periodista pa min referencial pola so sensibilidá y profesionalidá, dedicó cerca de la docena de monográficos en La Nueva España, pa desplicamos primero cuala yera la rialidá de la sidra en Euskal Herría y dempués cuala la rialidá de la sidra n`Asturies, convidándomos, pameque, a que sacáramos les...