La mayor tosta de quesos artesanos del mundu

El domingu 11 de setiembre celebrábase en La Foz de Morcín la XXIII Feria de los Quesos Artesanos Asturianos,la «decana» nesto d`aconceyar a productores queseros de toos y caún de los nuestros quesos artesanales asturianos. Foi hai agora ventritrés años cuando la Hermandá de La Probe se decidió a entamar esta primer feria, siempre a comuña cola Asociación de Queseros Asturianos. Al abellugu d`esti certame nacieron gallardones talos como`l de Queseru Mayor d`Asturies, qu`un sirvidor tuvo l`arguyu de recibir nel añu 2006 y que nesti añu foi a parar a la Caja Rural pol so sofitu cola financiación de dellos llibros sobre quesos asturianos. Poca xente asistió nuna prestosa mañana de setiembre a esti certame queseru. Poca xente y, lo que ye peor, pocos artesanos queseros. Y tengo que ser sinceru y dicir que m`esmolez enforma qu`esti tipu d`eventos básicos pa la promoción de los productos artesanales asturianos pierdan puxu. Sicasí, a la tarde, la propuesta, a comuña xunto al incansable Pepe Sariego -alma d`esti certame y de tantísimes otres coses que se faen en La Foz de Morcín-, de facer la mayor tosta de quesos artesanales del mundu foi tou un éxitu. Cincuenta metros de pan d`escanda, xentileza de Fernando Farpón y Speltastur, la so firma comercializadora de fariña y productos derivaos de la escanda asturiano, cinco quilos de tomate fresco triturao con ayu y aceite d`oliva, cerca de trenta quilos de quesos artesanales asturianos de toa triba (de vaca, de cabra, d`oveya, Afuega`l Pitu, Cabrales, Gamonéu, de Vidiago, de Los Beyos, Casín…) y oriéganu foron los ingredientes empleaos pa facer la tostona quesera. Como gratinador, un «argadiellu...

Formación Sidrera y Mayestru Escanciador

El pasáu mes de xunu presentábase públicamente el plan internu de formación ya incentivación d`escanciadores que, de magar hai cerca tres años, vien desendolcando Sidreries Tierra Astur pa colos sos trabayaores. A un tiempo aprofitose la ocasión p`asoleyar tamién la figura del “mayestru escanciador” de Sidreríes Tierra Astur, representada na persona de Sabino Perez Presa, un profesional sidreru de contrastada esperiencia que rexentó establecimientos como la popularísima Sidrería Los Portales de La Pola Siero, o la Sidrería Cantábrico n`Uviéu y que dende hai cerca de dos años trabaya en Sidreries Tierra Astur. Embaxu la lleenda “Tierra Astur: Escanciadores de Campeonato” la Sidrería Tierra Astur Águila de Cualloto abellugó un dinámicu actu de presentación nel que taben convidaos toa triba de medios de comunicación, llagareros proveedores de la firma, personalidaes arreyaes al mundu de la sidra asturiana y representantes del mundu empresarial y formativu asturianu. Nun fueron munchos los asistentes pero si notable la repercusión mediatica, incluyéndose una conesión en direutu col programa “La Mañana” de TVE nel que Perez Presa pudo facer una pequeña “preba” de sidra y escanciáu en vivu pa más de tres millones d`espeutaores (audiencia estimao). Nada ye fortuitu. La presentación del pasáu mes de xunu ye frutu d`un abegosu trabayu cohesionáu pente xerencia, dirección hostelera, dirección formativa y dirección gastronómica d`esta humilde empresa asturiana. Hai años que llegamos a la conclusión de que si naide s`esmolecía en formar a los nuesos profesionales tendríamos que ser nos mesmos los que mos encargaramos d`esa xera. Tamién aldovinamos que si nadie s`encargaba de dignificar enforma la figura del escanciaor nos mesmos tendríamos que facelo. La sidra asturiana ensin...

Xornaes Gastroculturales de Slowfood Asturies

Na primer quincena de xunetu van cellebrase les 1es Xornaes Gastroculturales del Arca del Gustu Asturianu. Xornaes que van a averar a productores y hosteleros asturianos arreyaos al movimientu gastrocultural de calter internacional Slowfood. Tres serán los productos asturianos, integraos nel Arca del Gustu de la Fundación Slowfood pola Biodiversidá, protagonistes d`estes primeres xornaes; El Corderu Xaldu, el Pan d`Escanda y la Sidra d`Escoyeta (Sidra de Manzana Seleccionada). Tales xornaes contaran col sofitu de les estremaes asociaciones de productores implicaes, ASAPES (Asociación de Productores d`Escanda Asturiana), ACOXA (Asociación de Criaores d`Oveya Xalda Asturiana) y Asociación de Productores de Sidra de Manzana Seleccionada. La Fundación Caja Rural, andechará tamién na organización y patrociniu de les mesmes. Al rodiu de la docena de sidreries y restoranes ufiertarán na primer quincena de xunetu, estremaes propuestes gastronómiques nes que los productos anantia mentaos sedrán los protagonistas. Si too sal bien pa`l mes d`ochobre repetirase la experiencia cuntando nesta ocasión col gochu asturcelta, la faba fresca y, otra vuelta, la sidra d`escoyeta como protagonistas. Estes nun sedrán unes xornaes gastronómiques al usu, d`ehí el calificativu de gastroculturales. Lo que se pretende ye qu`amás d`ufiertar un menú o unos platos determinaos, los restaurantes y cocineros participantes nesta xera se intercomuniquen colos productores, col finxu de entamar estremaes aiciones de promoción de los productos nos restoranes participantes. Xuntu a los tres restauranes asturianos que cunten col calificativu de “km0” participarán tamién nestes xornaes tolos restauradores socios del Comvivium Asturies de Slowfood, asina como una escoyeta de restoranes que pola so trayectoria foren convidaos por Slowfood Asturies. El movimiento Slowfood n`Asturies puede que tea caleyando más sele...

Restaurán Asturies: Cambiu de carta y nueva xerencia

Tengo una amiga, qu`hai munchu tiempu que nun veo, a la que, cuando y comentaba la mió condición nacionaliega, o por suavizalo asturianista, faciase cruces ya interpretaba que sí por mi fuera, pol aquello del ser cocineru y asturianu convencíu, na mio idílica Asturies tendríamos una dieta básica fundamentada na fabada y el quesu Cabrales. Curtiedá de mires o provincianismu fadiu yera`l que s`apoderaba de la conciencia d`aquella bona amiga al facer aquella interpretación, amiga d`otra parte, gran profesional, intelectual, izquierdista y especialista nes sus coses. Bromes y provincianismos fadios aparte, nun menos ciertu ye que la dieta promulgada pol gobiernu asturianu saliente foi bien probe nestos años…Foi la dieta del enllenar el bandullu anque fuera con forgaxes. Nun ye casualidá que`l platu más representativu, el preferíu del nuesu presidente en cualesquier actu, priváu o públicu de más alta o baxa alcurnia fuera la Tortiella de Pataca…Si dende`l provincianismo fadiu un gobiernu nacionaliegu tuviera que representase en base a una dieta de fabada y quesu Cabrales imaxinái que gobiernu tan impersonal, fartón y probetayu pue representar la estoica tortiella de pataca. Llego`l momentu de camudar el menú, llego`l momento de camudar la carta del Restaurán Asturies, y poro, de dar una oportunidá al gobiernu entrante que se supón, aunque en tiempos de crisis, grandón y altaneru, y que se predica, o lu prediquen dalgunos, asturianu ensin concesiones. La carta del Restaurante Asturies ye ciertu que necesita que y deamos una vuelta enforma. El nuevu xerente del establecimientu hosteleru tien que ser quien pa pertrechar una menú que faiga les delicies de propios y estraños… Nun puede ser una carta...

De Quesos

Col aportar de la primavera entamen a cellebrase certamenes y feries queseres per tolos llaos. La Feria los Quesos de Primavera de La Pola Siero foi la que dio`l pistoletazu de salida y de magar agora y fasta que pase setiembre el calendariu de cites queseres asturianes, ya seya de calter xenéricu o especializau por variedaes, va ser comu un auténticu rosariu. Hai unos dies clausurábase en Xixón “Mas que Quesu”, una orixinal propuesta gastronómica na que convidávase a los veceros a descubrir n`estramaos chigres y restauranes del conceyu los nuesos quesos maridaos coles bebides más sosprendentes. Na ya prósima Selmana Santa “Asturies, el País de los Cuarenta Quesos” treslladase al centru de la capital asturiana, a la Plaza`l Pescáu de Trascorrales pa ufiertar a visitantes y llariegos una escoyeta de cuarenta de los meyores quesos artesanales asturianos acompangaos de vinos de la Tierra de Cangas y Sidra Natural de Manzana d`Escoyeta. Ellí, espertos técnicos queseros ufiertarán a los asistentes prebes y maridaxes con quesos y bebides asturianes, fusionarase la música, cultura y gastronomía asturiana y convertirase demientres cuatro díes a la capital asturiana en ciuda referencial nel mundu del quesu artesanu… Y ye que los nuesos quesos nun paren de danos alegries aunque a vegaes munches d`elles pasen desapercibies inclusu pa los nuesos medios de comunicación…Hai unes selmanes Crivencar recibía el Premiu Impulso al “Diseñu Industrial” pola creación del so Quesu Azul de Vaca y Cabra Tierra Astur, un quesu de formatu cúbicu únicu nel so xéneru. Pasáu el Tunel del Negrón, y ya en Valladolid el Quesu Abredo, de Cuaña, algamaba el “Cinchu d`Oru” al meyor quesu...